ဝေးလွင့်နေ့စွဲ ဖေဖော်ဝါရီ(၁၄)

ချမ်းအေးတဲ့ ဖေဖော်ဝါရီဆောင်းညက အရိုးထဲထိ အေးစိမ့်စေသလို ချစ်သူတွေရဲ့ ရင်ကိုနွေးထွေးစေတဲ့ လလည်းဖြစ်တယ်။ လမ်းပေါ်မှာ သွားလာနေကြတဲ့လူတွေက ဆွယ်တာအင်္ကျီထူတွေနဲ့ အအေးဒဏ်ကို ကြံ့ကြံ့ခံ အန်တုနေကြတယ်။
အအေးဒဏ်ကြောင့် ကိုယ်ကိုကျုံ့ပြီး ခပ်သွက်သွက် သွားလာနေသူတွေကို ပြူတင်းပေါက်မှန်ချပ်ကနေ ကျော်ငေးကြည့်ရင်း ကျွန်မကိုယ်ချင်းစာမိတယ်။ ဒီညမှ အအေးဓါတ်က ပိုလွန်ကဲနေသလို.... ဒီအချိန်ထိ ဒီလူတွေ အိမ်မပြန်ကြသေးပါလား! ဘယ်သွားနေကြပါလိမ့်!

"ကဲ ... ဂျူတီပြီးပြီကွာ..သူကတော့ ငါ့ကို မျှော်နေရော့မယ်"

အခန်းဘေးနားနေဆောင်က နပ်စ်တစ်ယောက်ရဲ့ ဝမ်းသာပျော်ရွှင်တဲ့အသံကို ကျွန်မကြားလိုက်မိတယ်။

"ချစ်သူများနေ့မှာမှ တာဝန်ကျရတာ တကယ် ကံမကောင်းဘူးကွာ"

ပါးစပ်က တတွတ်တွတ်ရွတ်ရင်း နပ်စ်မက ပစ္စည်းတွေကို ကောက်သိမ်းနေတယ်။

"နင်က တော်သေးတယ်။ အလုပ်ဆင်းတဲ့အချိန်မှာ မျှော်နေမယ့်လူရှိသေးတယ်"

နပ်စ်တစ်ယောက်က ဝင်ထောက်တယ်။

"တချို့လူက ရုံးဆင်းရင်တောင် မျှော်မဲ့လူမရှိဘူး"
"ဒေါက်တာ ယွန်းကို ပြောတာလား!"

သူတို့ ပြောနေတဲ့ စကားတွေမှာ ကျွန်မနာမည်ပါလာတာကြောင့် နားကို ကျွန်မ ပိုစွင့်ထားလိုက်မိတယ်။

"အင်းပေါ့.. မနှစ်က ဒီအချိန်ကို မှန်းမိသေးလား?"

"သိပ် မှန်းမိတာပေါ့"
သူတို့ စကားဆက်ပြောနေတဲ့ အခန်းနှစ်ခု ခြားထားတဲ့နံရံနား ကျွန်မ ပိုတိုးကပ်သွားမိတယ်။

"အဲဒီတုန်းက ငိုလိုက် အော်လိုက်နဲ့ ဒေါက်တာ အဲဒီလို အပြင်းအထန်ခံစားရတာ ငါ တစ်ခါမှ မတွေ့ဖူးဘူး"

"ခံစားရမှာပေါ့...သူ့နေရာမှာ ငါသာဆိုရင် ရူးတောင် ရူးသွားနိုင်တယ်"

"ရှူး...တိုးတိုး ..ကြားသွားဦးမယ်"

နံရံမှာနားရှိမှန်း နပ်စ်မလေးနှစ်ယောက် အခုမှသတိပြုမိပုံရတယ်။ ဒါပေမယ့် နောက်ကျသွားခဲ့ပါပြီ။

"ဟို..ဟို..ဒေါက်..ဒေါက်တာ အိမ်မပြန်သေးဘူးလား?"

ကျွန်မကိုမြင်တော့ လူမိသွားတဲ့သူခိုးလို စကားကိုထစ်ထစ်ငေါ့ငေါ့ဆိုရင်း သူတို့မျက်နှာက သူတို့ပါးပေါ် လိမ်းထားတဲ့မိတ်ကပ်ထက်တောင် ပိုနီမြန်းသွားတော့တယ်။

"ပြန်တော့မယ် ..ပစ္စည်းတွေ သိမ်းနေလို့ပါ"

သူတို့ပြောခဲ့တဲ့ စကားတွေကို ကျွန်မ မကြားမိသလို ဟန်ဆောင်လိုက်တယ်။

"ကျွန်...ကျွန်မတို့ကို ခွင့်ပြုပါဦးနော် ဒေါက်တာ .. မနက်ဖြန်မှ တွေ့မယ်နော်..ချစ်သူများနေ့မှာ ပျော်ရွှင်ပါစေ" နှစ်ယောက်သား အခန်းထဲကနေ သုတ်သုတ်ပြာပြာ ထွက်သွားခဲ့တယ်။

"ပျော်ရွှင်သော ချစ်သူများနေ့ ဖြစ်ပါစေ"

ပြန်လည်နှုတ်ဆက်ရင်း ဆေးရုံကနေ ကျွန်မထွက်လာခဲ့တယ်။

မျှော်နေတဲ့ချစ်သူမရှိလည်း ကျွန်မ အိမ်ပြန်ရဦးမယ်။ အိမ်က ကြောင်မလေးမိဆိုး အစာစားဖို့ ကျွန်မကို မျှော်နေတော့မယ်။ အိမ်ပြန်ရောက်ရောက်ချင်း ကျွန်မရဲ့ပထမဆုံးအလုပ်က မိဆိုးကို အစာကျွေးတာဖြစ်တယ်။ ဒီကြောင်လေးကို ဘယ်အချိန်ကစ ကောက်ယူမွေးခဲ့တယ်၊ ဘာဖြစ်လို့ မိဆိုးဆိုတဲ့ နာမည်ကိုပေးခဲ့တယ် ဆိုတာကို ကျွန်မ မမှတ်မိတော့ဘူး။

မနှစ်က ချစ်သူများနေ့မှာ ဖြစ်တယ်။ အဲဒီချစ်သူများနေ့မှာ ကျွန်မဟာ အစွန့်ပစ်ခံကြောင်လေးတစ်ကောင်လို ထိတ်လန့်ချောက်ချားခဲ့ဖူးတယ်။ အစွန့်ပစ်ခံကြောင်တစ်ကောင်က မငိုတတ်ပေမယ့် ကျွန်မမှာ ရင်ကွဲမတတ် ငိုကြွေးခဲ့ရတယ်။

မိဆိုးက ကျွန်မကိုတွေ့တာနဲ့ တစာစာအော်ပြီး ကျွန်မခြေထောက်နားကို သူ့ခေါင်းနဲ့ အတင်းတိုးဝှေ့ရင်း အစာတောင်းနေတယ်။

"ဒီနို့တွေကုန်အောင်သောက်လိုက်... မကုန်ရင် တွေ့မယ်"

အစာခွက်ထဲ နွားနို့ကိုဖြည့်ပေးရင်း ကျွန်မ သူ့ကိုကြိမ်းလိုက်မိတယ်။

ကြောင်က လူစကားကိုနားလည်သလို ကျွန်မရဲ့နိုင်လိုစီးနင်းအပြောကို ဆန့်ကျင်တဲ့မျက်လုံးနဲ့ ပြန်ကြည့်တယ်။ ကြောင်လေးကိုကြည့်ရင်း အဲဒီမျက်လုံးတစ်စုံပါတဲ့ ကျွန်မနဲ့အရမ်းရင်းနှီးတဲ့ ပုံရိပ်တစ်ခုကို မြင်ယောင်လာမိတယ်။

xxxxxxxxxxxxxxx xxxxxxxxxxxxxxxxxxxx

မနှစ်က ဖေဖော်ဝါရီ ၁၄ ရက် .. ချစ်သူများနေ့ရဲ့ နေ့လယ်ခင်းမှာဖြစ်တယ်။ မောင်နဲ့ကျွန်မ နေ့လယ်စာ အတူစားဖို့ ချိန်းထားကြတယ်။
"ဒီနေ့က ချစ်သူများနေ့တဲ့ ... မောင် ဘာလို့ ကျွန်မကို လက်ဆောင် ပန်းစည်း မပေးသေးတာလဲ!"

မောင့်ကို တွေ့တွေ့ချင်း ကျွန်မရန်တွေ့ပူဆာလိုက်တယ်။

"ဘာလက်ဆောင် ပန်းစည်းများ ပေးစရာလိုလို့လဲ" မျက်မှောင်ကြုတ်ရင်း မောင်ပြန်မေးတယ်။

"ပန်းစည်းလေး မဟုတ်ရင်တောင် အမှတ်တရကတ်လေးတော့ မောင်ပေးသင့်တာပေါ့" ကျွန်မ နှုတ်ခမ်းစူပြီး မကျေမနပ် ပြန်ပြောလိုက်တယ်။

"ဒီလိုဆို စားပြီးလို့ အလုပ်ပြန်ရောက်ရင် e-card လေးပို့လိုက်မယ်..ကဲ ..ကျေနပ်ပြီ မဟုတ်လား!"

နားထောင်ရုံနဲ့ ခံစားမှုကို အေးခဲစေတဲ့ ကွန်ပြူတာကတဆင့် ပေးပို့မယ့် e-cardတဲ့။ မောင်က အဲ့ဒီလို လူစားမျိုးဖြစ်တယ်။

"တကယ် ပို့ရမယ်နော် .. ကျွန်မ စောင့်နေမယ်"

မောင်ပို့လာမယ့်ကတ်မှာ ကြင်နာယုယတဲ့ စကားလုံးတွေ ပါမှာမဟုတ်မှန်း ကျွန်မကြိုသိနေပေမယ့် အိမ်ရောက်တာနဲ့ ကွန်ပြူတာ အရင်ဖွင့်မယ်ဆိုတဲ့စိတ်ကူးနဲ့ ကျွန်မပြုံးနေလိုက်မိတယ်။
"မိန်းကလေးတွေက သဲကို သဲတယ်။ ဘာချစ်သူများနေ့လဲ !"

မောင်က မကျေမနပ်ရွတ်ရင်း ထမင်းကိုစားနေတယ်။ မောင်ရဲ့ ဂျစ်ကန်ကန်အပြောကြောင့် သူနဲ့ရန်ဖြစ်ချင် စိတ်များ ထပ်ပေါ်လာပြန်တယ်။

"မောင်ဟာလေ နည်းနည်းမှ စိတ်ကူးမယဉ်တတ်ဘူး .. ကိုရီးယားကားတွေ မကြည့်ဖူးဘူးလား"

အမြဲတမ်း အလုပ်တွေနဲ့ မအားမလပ်ဖြစ်နေတဲ့မောင်မှာ ရုပ်ရှင်ကြည့်ဖို့ အချိန်မရှိမှန်းသိလျှက်နဲ့ ကျွန်မ ရန်ရှာလိုက်မိတယ်။

"ဘာ ကိုရီးယား ကားလဲ.. Discoveryပဲ ကြည့်တယ်"

စိတ်မသက်သာတဲ့ပုံနဲ့ ကျွန်မကို တစ်ချက်ကြည့်ရင်းခေါင်းငုံ့ပြီး မောင်ထမင်းဆက်စားတယ်။

"မောင့်ဘဝက ဘာအဓိပ္ပါယ်မှ မရှိသလိုပဲ။ ဘာခံစားချက်မှလည်းမရှိဘူး။ ဟိုတလောကလွှင့်တဲ့ ကိုရီးယားကားဆို တော်တော်လေးကြည့်လို့ကောင်းတယ်။ မောင် ကြည့်သင့်တယ်"

ရိသဲ့သဲ့နဲ့ ကျွန်မပြန်ပြောလိုက်တယ်။

"ဟုတ်လား .. ဘာဇာတ်ကားလေးပါလိမ့်"

ကျွန်မကိုရွဲ့ပြီး မောင်ပြန်မေးတယ်။ ဇာတ်လမ်းထဲကအချစ်တွေကို သူခံစားလို့မရဘူး။ ဟန်ဆောင်သရုပ်ဆောင် နေကြတယ်လို့ မောင်ပြောဖူးတယ်။

"ဇာတ်လမ်းက အရမ်းခံစားရတယ် ။ ဇာတ်ဝင်တေး "only love" ကလည်း နားထောင်လို့ကောင်းတယ်"
မောင်မကြိုက်မှန်း သိရက်နဲ့ ကျွန်မဆက်ပြောနေလိုက်တယ်။

"အဲဒီသီချင်းကို နားထောင်ဖူးတယ်။ ကဲ ပြောချင်တယ်ဆိုရင် ဆက်ပြော.. ဇာတ်လမ်းကို အကျဉ်းချုံးပြီး (၅)မိနစ်နဲ့ ပြီးအောင်ပြော..အလုပ်ဝင်ရဦးမယ်"

ကော်ဖီကိုငုံ့သောက်ရင်း စိတ်မရှည်သလို မောင်ကဆိုတယ်။ ဇာတ်လမ်းတစ်ခွေစာကို (၅)မိနစ်နဲ့လုံလောက်မှာ မဟုတ်မှန်း သိပေမယ့် ကျွန်မ ဆက်ပြောနေလိုက်မိတယ်။

"ဒါများ ခံစားရတယ်တဲ့လား"

ကျွန်မစကားအဆုံးမှာ မောင်ကခပ်ဟဟနဲ့ ခံစားချက်မဲ့စွာပြောလာတယ်။ ကျွန်မရဲ့မောင်ဟာ အမြဲတမ်း ကျွန်မနဲ့ ဆန့်ကျင်ဘက်ဖြစ်တယ်။

မောင်နဲ့ကျွန်မက အိမ်နီးချင်းတွေလို့ပြောရင် ယုံမယ့်သူရှိမယ်မထင်ဘူး။ ခြံစည်းရိုးတစ်ခုပဲ ခြားထားတဲ့ မောင်နဲ့ကျွန်မက ငယ်ငယ်လေးတည်းက တွေ့လိုက်တာနဲ့ တကျက်ကျက်ရန်ဖြစ်ငြင်းခုန်နေတတ်တယ်။

မှတ်မိပါသေးတယ်။ ကျွန်မတို့မိသားစု အဲဒီရပ်ကွက်ကို ပြောင်းလာစက သူငယ်ချင်းမရှိတဲ့ကျွန်မမှာ မုန့်စားကျောင်းဆင်းချိန်တိုင်း အတန်းထဲမှာ တစ်ယောက်တည်းထိုင်ပြီး အပြင်ကိုငေးနေတတ်တယ်။ ငေးနေတတ်တဲ့ကျွန်မကို မောင်ကဆံပင်တွေဖွပြီး "ဟေး ... ရုပ်ဆိုးမ ဘာတွေငေးနေလဲ?"လို့ အမြဲစတတ်တယ်။ ရုပ်ဆိုးမလို့ မောင်စတိုင်း ကျွန်မ မခံနိုင်တော့ဘူး။ ကျွန်မကိုအမျိုးမျိုး စနောက်တတ်တဲ့ မောင်ကြောင့် မောင်နဲ့ကျွန်မရဲ့ရန်ပွဲက ဘယ်တော့မှ ပြတ်တယ်လို့မရှိခဲ့ဘူး။ ကျောင်းမှာမက ခြံချင်းကပ်ရက်မို့ ကျောင်းပိတ်ရက်တွေမှာလည်း ရန်ပွဲကဆက်နေတတ်သေးတယ်။ ရန်ဖြစ်တိုင်း အိမ်ပြောင်းမယ်လို့ အမြဲပြောတတ်တဲ့ကျွန်မ ယခုထက်ထိ အိမ်မပြောင်းဖြစ်သလို ကံမကောင်းစွာနဲ့ အထက်တန်းတက်ပြန်တော့လည်း မောင်နဲ့တစ်ကျောင်းတည်း၊ တစ်တန်းတည်း အတူတက်ခဲ့ရတယ်။

ကျောင်းတုန်းက တစ်ခြားအခန်းက ကောင်လေးတစ်ယောက်ကို ကျွန်မတိတ်တိတ်လေး စိတ်ဝင်စားခဲ့ဖူးတယ်။ အဲဒီကောင်လေးမှာ ရည်းစားရှိတယ်လို့သိတဲ့နေ့ ကျွန်မငိုခဲ့ဖူးတယ်။ လက်ကိုင်ပုဝါတစ်ထည်ကို မောင်ကမ်းခဲ့ဖူးတယ်။ ရင်ခွင်ထဲ ကျွန်မကိုဆွဲသွင်းပြီး မောင်နှစ်သိမ့်ခဲ့ဖူးတယ်။ အဲဒီနောက်ပိုင်း ကျွန်မအပေါ် မောင်ကြည့်တဲ့အကြည့်တွေ မရိုးသားဘူးလို့ ကျွန်မခံစားလာမိတယ်။ မောင့်ကိုတွေ့ရင် ခါတိုင်းနဲ့မတူဘဲ ကျွန်မရင်ခုန်နှုန်းတွေ ပိုမြန်လာခဲ့တယ်။ မောင်နဲ့ကျွန်မကြားမှာ မမြင်နိုင်တဲ့သံယောဇဉ်ကြိုးတစ်မျှင် ရစ်နှောင်လာခဲ့တယ်။ ဒါပေမယ့် ရန်ကတော့ဖြစ်မြဲ...

တက္ကသိုလ်တက်ဖို့ လိုင်းတွေရွေးကြတော့ ကျွန်မနဲ့အမြဲဆန့်ကျင်တဲ့မောင်က သူ့ဝါသနာပါတဲ့ အင်ဂျင်နီယာလိုင်းကို ရွေးခဲ့သလို ကျွန်မလည်း ဆေးလိုင်းရွေးခဲ့တယ်။ ကျွန်မတို့နှစ်ယောက် ခွဲရတော့မယ်။ ဒါပေမယ့် ကံကြမ္မာက ကျွန်မတို့ကို မျက်နှာသာပေးနေသေးတယ်။ အိမ်နီးချင်းဖြစ်ကြတဲ့ မိဘတွေက မောင်နဲ့ကျွန်မကို တခြားမြို့မှာ ကျောင်းသွားတက်ရင် စိတ်မချတာကြောင့် အချင်းချင်းကူညီနိုင်အောင် အခန်းချင်းကပ်လျှက် အိမ်ခန်းတွေငှားပေးခဲ့တယ်။ ကျွန်မနဲ့မောင်က ရန်ဖြစ်မြဲ၊ ငြင်းခုံမြဲ၊ တစ်ယောက်ကိုတစ်ယောက် မမြင်ရရင် မနေနိုင်၊ မထိုင်နိုင်ဖြစ်မြဲ၊ တစ်ခါတလေ တစ်ယောက်ကိုတစ်ယောက် ခိုးနမ်းကြမြဲ။ ဒါပေမယ့် တစ်ယောက်ကိုတစ်ယောက်ချစ်ကြောင်း ကျွန်မတို့ဖွင့်မပြောမိကြဘူး။ ချစ်သူများနေ့ကိုလည်း မောင်နှင့်အတူ ကျွန်မ မကျင်းပခဲ့ဖူးဘူး။

အဲဒီလိုနဲ့ တစ်ခုသောချစ်သူများနေ့မှာ တခြားယောက်ျားလေးသူငယ်ချင်းများနဲ့ ညစာစားပြီးပြန်လာတဲ့ ကျွန်မကို မောင်ကတံခါးဝမှာ ဒေါသနဲ့စောင့်ကြိုနေခဲ့ပြီး မောင်ကလွဲလို့ နောင်နောက်ချစ်သူများနေ့မှာ ဘယ်သူနဲ့မှ ညစာသွားမစားဖို့ ကျိန်းတော့တယ်။ မောင့်ကိုအတ္တကြီးတဲ့လူလို့ ကျွန်မ မကျေမနပ်ပြောမိပေမယ့် ခေါင်းကိုတော့ သွင်သွင်ငြိမ့်နေမိမယ်။ ကျွန်မကျောင်းပြီးလို့ မောင်အလုပ်ဝင်တဲ့အထိ ချစ်သူများနေ့တိုင်း မောင့်ဘေးမှာ ကျွန်မအမြဲရှိနေခဲ့တယ်။ အဲဒီအချိန်ထိ မောင်ကကျွန်မကိုချစ်ကြောင်း ထုတ်ဖော်မပြောခဲ့ဖူးပါဘူး။

++++++++++++++++++ ++++++++++++++

ဗလာဖြစ်နေတဲ့ မေးလ်ဘောက်ကိုကြည့်ပြီး ကျွန်မဝမ်းနည်းသွားမိတယ်။ ပါးစပ်ကလည်း ဖွင့်မပြောသလို စာလေးတစ်စောင်နဲ့လည်း သက်သေမပြတတ်တဲ့မောင့်အချစ်ကို ကျွန်မနားမလည်နိုင်ခဲ့ဘူး။ ကျွန်မ ဝမ်းနည်းဒေါသစိတ်နဲ့ မောင့်ကိုဖုန်းဆက်လိုက်တယ်။

"ပို့လိုက်ပြီလေ" ဖုန်းတစ်ဘက်ကနေ အလုပ်များနေတဲ့ မောင်ကဆိုတယ်။

"မရဘူး... ထပ်ပို့ပေးပါ" မောင်အလုပ်များနေမှန်း သိရက်နဲ့ ကျွန်မထပ်ဆောင်းဆိုမိတယ်။

"အစောင်(၁ဝဝ) ပို့လိုက်မယ်ကွာ.... ကဲကျေနပ်ပြီလား!"

စိတ်မရှည်သလို စိတ်အနှောင့်အယှက်ဖြစ်သွားပုံနဲ့ မောင်ကပြောတယ်။ ဒါပဲလား! ကျွန်မအတွက် ချစ်သူများနေ့....

"ညနေစာစားဖို့ လာမခေါ်ပါနဲ့တော့... ကျွန်မဘာသာသွားစားမယ်"

ဒေါသတကြီးနဲ့ ကျွန်မဖုန်းချလိုက်မိတယ်။

"ချစ်ပါတယ်"လို့ ဖွင့်မပြောသည့်တိုင် ချစ်သူများနေ့တိုင်း မောင့်ဘေးမှာ ကျွန်မရှိနေခဲ့တာ နှစ်ပေါင်းမနည်းတော့ပါဘူး။ ပန်းလေးတစ်ပွင့်၊ ကတ်လေးတစ်ကတ်တောင် မောင့်ဆီက ကျွန်မ မရခဲ့ဖူးဘူး။ ကျွန်မတွေးရင်း ပိုဝမ်းနည်းလာမိတယ်။ ဖုန်းကို ကျွန်မပိတ်ထားလိုက်မိတယ်။

ညဂျုတီကြောင့် ဆေးရုံကိုကျွန်မရောက်လာခဲ့တယ်။ ဖုန်းလာရင် ကျွန်မကိုမခေါ်ဖို့ ဆေးရုံကဝန်ထမ်းတွေကို မှာထားလိုက်တယ်။ လူနာများတာကြောင့် အလုပ်ထဲမှာပဲ ကျွန်မစိတ်နစ်ထားလိုက်မိတယ်။ နေ့လယ်ကအဖြစ်အပျက်ကို ကျွန်မတဒင်္ဂမေ့ထားလိုက်မိတယ်။

"ဒေါက်တာ... အရေးပေါ်လူနာ"

နပ်စ်မရဲ့ ရေးကြီးသုတ်ပြာအသံကြောင့် နဖူးပေါ်ကချွေးတွေကို ကျွန်မသုတ်ရင်း လိုအပ်တဲ့ပစ္စည်းတွေကို ယူနေချိန်မှာ လူနာတင်ကားတစ်စီး ဥသြဆွဲပြီးဝင်လာတယ်။ ဒီနေ့ မတော်တဆမှုတွေ တော်တော်များပါလားလို့တွေးရင် အရေးပေါ်ခန်းဘက် ကျွန်မပြေးသွားလိုက်တယ်။

"ဘယ်လိုဖြစ်တာလဲ?"

လူနာတွန်းလှည်းတွန်းလာတဲ့ နပ်စ်ကို ကျွန်မမေးလိုက်တယ်။

"ယာဉ်တိုက်မှုတဲ့... ဒဏ်ရာက တော်တော်ပြင်းတယ်။ နှလုံးမခုန်တော့ဘူး။ အသက်အန္တရာယ်ရှိတယ်"

နပ်စ်ရဲ့အဖြေကို ကျွန်မခေါင်းငြိမ့်လိုက်တယ်။

"နှလုံးခုန်စက်ပေးပါ"

တစ်ဆက်တည်းမှာပဲ ဘေးမှာရပ်နေတဲ့ နပ်စ်ကိုပြောရင်း လူနာကို ကျွန်မသေချာကြည့်လိုက်မိတယ်။ အဲဒီတခဏ ကျွန်မခေါင်းတစ်ခုလုံး ချာချာလည်သွားခဲ့တယ်။

"မောင်.........."

ဆောက်တည်ရာမဲ့ နပ်စ်လက်ထဲကစက်ကို ကျွန်မဆွဲလုပြီး မောင့်ရင်ဘတ်ပေါ် အကြိမ်ကြိမ်ဖိချလိုက်မိတယ်။ မောင့်ခန္ဓာကိုယ်က လျှပ်စစ်ကြောင့် ခုန်လိုက် ကျလိုက်... ပြန်ခုန်လိုက် ပြန်ကျလိုက်.....

"မောင် မသေရဘူး... မောင် မသေရဘူး..."

ပါးစပ်ကတဖွဖွအော်ရင် ကျွန်မအခေါက်ပေါင်းများစွာ ဖိချလိုက်မိတယ်။ နပ်စ်တွေက ကျွန်မကို ရူးသွားပြီလို့ ထင်နေကြတယ်။ ကျွန်မရူးသွားပြီလား.. ကျွန်မ မသိဘူး။ မောင့်အသက်ကို ကယ်ဖို့ပဲ ကျွန်မကြိုးစားနေမိတယ်။

ကျွန်မကိုချစ်တယ်လို့ တစ်ခွန်းလောက်တော့ မောင်ပြောသွားသင့်တယ်။ ချစ်သူများနေ့မှာ ကတ်လေးတစ်ခုတော့ မောင်ပေးသွားသင့်တယ်။ ဝိညာဉ်ကင်းမဲ့နေတဲ့ မောင့်ရင်ဘတ်ကို နှလုံးခုန်စက်နဲ့ ကျွန်မထပ်တလဲလဲ ဖိနေမိတယ်။ အားနဲ့ဖိပေမယ့် နာတယ်လို့ တစ်ခွန်းလေးတောင် မောင်မပြောတော့ပါဘူး။ နှလုံးသွေးတွေ ရပ်တန့်ကုန်ပါပြီ။ အေးစက်စက်မျက်နှာနဲ့ မျက်လုံးစုံမှိတ်ပြီး မောင်ရဲ့ဝိညာဉ်မဲ့ခန္ဓာကိုယ်က ကျွန်မကို စတင်နှုတ်ဆက်နေပါပြီ.....

"ဒေါက်တာ... ရပ်လိုက်တော့"

တခြားဆရာဝန်တစ်ယောက်က ကျွန်မလက်ထဲကစက်ကို အတင်းဆွဲလုပြီး ပြောမှ ကျွန်မ သတိဝင်လာခဲ့တယ်။ မျက်ရည်တွေနဲ့ ပြည့်နှက်နေတဲ့ ကျွန်မမျက်ဝန်းက မောင့်ကိုသဲသဲကွဲကွဲ မမြင်ရတော့ပါဘူး။ ကျွန်မငိုမိတယ်... ရင်ကွဲမတတ် ကျွန်မငိုမိတယ်။

"အချိန်မမီတော့ဘူး ဒေါက်တာ... သူဆုံးသွားပါပြီ။ ဝမ်းနည်းပါတယ်"

ကျွန်မပုခုံးကိုကိုင်ပြီး အားပေးလာတဲ့ ဆရာဝန်ရဲ့စကားကို ကျွန်မခေါင်းခါပြီး ငြင်းဆန်မိတယ်။

"မောင် မသေဘူး........ မောင် မသေရဘူး"

စိတ်မမှန်တဲ့လူတစ်ယောက်လို့ ကျွန်မဆောက်တည်ရမဲ့ အော်ငိုမိခဲ့တယ်။

"ဒေါက်တာလည်း ဆရာဝန်တစ်ယောက်ပဲ။ တရားနဲ့ဖြေပါ ဒေါက်တာ"

မှတ်မှတ်ရရ အဲဒီနေ့က ဖေဖော်ဝါရီ (၁၄)ရက် ချစ်သူများနေ့ဖြစ်တယ်။

****************** *******************

မောင်ရဲ့ လုပ်ဖော်ကိုင်ဖက်တွေ ပြောပြမှ မောင်ဘာဖြစ်လို့ အလုပ်စောဆင်းတယ်ဆိုတာကို နောက်မှ ကျွန်မသိခဲ့ရတယ်။ အဲဒီနေ့က ကျွန်မစိတ်တိုတိုနဲ့ ဖုန်းပိတ်လိုက်ပြီးနောက်ပိုင်းမှာ မောင်ဖုန်းတွေ အဆက်မပြတ်ဆက်ခဲ့သေးတယ်။ ဖုန်းခေါ်မရတာနဲ့ စိတ်ပူပြီး အလုပ်ကိုချ ကျွန်မကိုရှာဖို့ ဆေးရုံကို မောင်ထွက်လာခဲ့တာဖြစ်တယ်။ ကံမကောင်းစွာနဲ့ ဆေးရုံအလာလမ်းမှာ ဆန့်ကျင်ဘက်ကလာတဲ့ ကုန်ကားတစ်စီးနဲ့ မောင်တိုက်မိခဲ့တယ်။

ကျွန်မကြောင့် မောင်သေဆုံးရပြီ... ကတ်လေးတစ်ကတ်ကြောင့် လူလောကကြီးထဲကနေ မောင် အပြီးအပိုင် ခွဲထွက်သွားခဲ့ရတယ်။

အခုတော့ အခန်းလေးထဲမှာ ကျွန်မနဲ့ကြောင်လေးတစ်ကောင်၊ မဖွင့်ဖြစ်ခဲ့လို့ ဖုန်အလိတ်လိတ်တက်နေတဲ့ ကွန်ပြူတာတစ်လုံးနဲ့ အထီးကျန်နေခဲ့ပါပြီ။

ဒီနေ့ချစ်သူများနေ့မှာ ပစ်ထားတဲ့ကွန်ပြူတာကို ကျွန်မဖွင့်လိုက်မိတယ်။ မေးလ်ပို့မယ့်သူ မရှိမှန်းသိပေမယ့် မေးလ်ဘောက်ကို ကျွန်မဖွင့်လိုက်မိတယ်။ မေးလ်ဘောက်ထဲမှာ မေးလ်တွေ စုစုပေါင်း အစောင်(၁ဝဝ)တိတိ..... အမှိုက်မေးလ်တွေများလား! မေးလ်အင်းဘောက်ကို ကျွန်မစိတ်လှုပ်ရှားစွာ ဖွင့်လိုက်မိတယ်။

မေးလ်ပို့ထားတဲ့ရက်စွဲက မနှစ်က ဖေဖော်ဝါရီ (၁၄)ရက်နေ့.....

နှင်းဆီအနီရဲရဲတစ်ပွင့်ပါတဲ့ ကတ်လေးတစ်ခုနဲ့ "only love" ဆိုတဲ့ သီချင်းလေးက ဆွေးဆွေးမြေ့မြေ့ လွှင့်ပျံ့လာတယ်။ ကတ်အောက်မှာ ခံစားရတဲ့ စာစုလေးတစ်ခု....

ယွန်း....

အတူနေခဲ့တဲ့အချိန်တွေ နှစ်ပေါင်းမနည်းတော့ဘူးနော်။ ချစ်သူများနေ့ရောက်တိုင်း နင့်ကိုဘာလက်ဆောင်မှ မပေးခဲ့ဖူးဘူး။ ဒီနေ့တော့ နှင်းဆီပန်းလေးတစ်ပွင့် လက်ဆောင်ပေးလိုက်တယ်။ နင်သိတဲ့အတိုင်း ငါတို့က အမြဲရန်ဖြစ် ငြင်းခုန်ခဲ့ကြတယ်။ ဒါပေမယ့် တစ်ယောက်ကိုတစ်ယောက် အပျောက်မခံနိုင်ခဲ့ကြဘူး။ ချစ်တယ်လို့လည်း မပြောခဲ့ကြဘူးနော်။ နင့်အပေါ် မကောင်းမှန်း ငါသိပါတယ်။ ဒီနေ့တော့ ဖြစ်ခဲ့သမျှအတွက် ငါတောင်းပန်ပါတယ်။ မပြောဘဲ သိမ်းထားတဲ့စကားတစ်ခွန်းကိုလည်း ပြောရဦးမယ်။ နင့်ကိုငါအရမ်းချစ်တယ်။ နောက် နင်ဝမ်းသာစရာတစ်ခု ပြောဦးမယ်။ လုံလောက်တဲ့ငွေကို ငါစုမိပါပြီ။ ငါတို့ လက်ထပ်ကြစို့နော် ယွန်း..
ခွင့်ပြုမယ်မဟုတ်လား ယွန်း....

အနားနား မောင်ရောက်လာပြီး စကားပြောနေသလို ကျွန်မခံစားမိတယ်။ ကျွန်မ အားပါးတရငိုမိပြန်တယ်။ မောင့်အရိပ်၊ မောင်နဲ့ငြင်းခုန်ရန်ဖြစ်ခဲ့တာတွေကို ကျွန်မမြင်ယောင်လာမိတယ်။ ကတ်ထဲက သီချင်းသံကလည်း အဆက်မပြတ် ပျံ့လွှင့်လိုနေတယ်။

only love can make memory
only love can make a moment last.
you were there and all ther world was young and all its songs unsung.
and I remember you then love was all, all you were living for,
and how you gave that love to me.....

ကျန်တဲ့မေးလ်တွေကို ဖွင့်လိုက်တိုင်း သီချင်းသံက ဆွေးဆွေးမြေ့မြေ့ လွှင့်ပျံ့လာတယ်။

မေးလ်အစောင်(၁ဝဝ)လုံးကို ကျွန်မဖွင့်ကြည့်မိတယ်။ မေးလ်တိုင်းကို ကျွန်မခွင့်ပြုတယ် မောင်လို့ ပြန်ဖြေလိုက်မိတယ်။

မောင်မမြင်နိုင်မှန်းသိရက်နဲ့ ကျွန်မအကြိမ်ပေါင်း(၁ဝဝ) ခေါင်းငြိမ့်နေပြီ မောင်.....

မောင်မကြားနိုင်မှန်းသိရက်နဲ့ only love သီချင်းကို ကျွန်မအကြိမ်ပေါင်း(၁ဝဝ) ဆိုမိပြီ မောင်.....

ချမ်းအေးတဲ့ဖေဖော်ဝါရီ(၁၄)ရက် ခြောက်သွေ့တဲ့အခန်းလေးထဲမှာ အခုတော့ ကျွန်မတစ်ယောက်တည်းပါ မောင်....


**** စာတွေရေးစက ဘာသာပြန်ခဲ့ဖူးတဲ့ စာလေးဖြစ်ပါတယ်။ ပြန်ပြင်ရေးရင်း ဘလော့ပေါ်တင်လိုက်ပါတယ်။ ချစ်သူတိုင်း ညားကြပါစေ....

နိုင်းနိုင်းစနေ ဘလောက်မှ တဆင့်
ဘရိုနီထွန်း